"洋蔥豬扒"到底係唔係中菜?

好奇怪~明明洋蔥豬扒應該係配鐵板，但偏偏好多屋企都會煮哩味餸嚟送飯。

洋蔥自遠古由歐洲傳入中國，擺明係外國食品，扒就肯定係西餐專用名詞，何解洋蔥豬扒今天變成香港慣常煮嘅住家菜呢?最好笑係醃料要加生抽，調味料就加喼汁；可能中西合璧，或者不中不西正是香港嘅特色文化! 每過一段日子總會想起此餸，好味，好味，好好味! 梅頭豬扒，輕輕用刀背剁鬆，扒邊略略剪幾下(*避免煎時捲曲)，例牌加少少生抽胡椒粉廚酒，秘訣係要加少少水同蒜蓉，醃十幾分鐘，猛火落鑊，再慢火煎香兩面，然後上碟，我個人喜歡將豬扒先剪開一件件，放埋一邊。煮汁要先炒洋蔥，炒到半透明，再加茄汁、喼汁、鹽、糖、水，酸甜度各自按喜好調教啦! 最後，主角豬扒回鑊，兜兩兜搞掂 >.<

無論用刀叉，亦或用筷子品嚐，始終都無阻"洋蔥豬扒"港式住家菜嘅地位。

#yummy ##foodie #2eat2gether #食譜 #洋蔥豬扒 #得成僱傭